Мэдээлэл, Үйл явдлууд

“АШУҮИС-ИЙН ХҮҮХДИЙН АНАГААХЫН ТЭНХИМИЙН БАГШ, АУ-Ы ДОКТОР, ПРОФЕССОР ДЭМБЭЭГИЙН АГВААНДОРЖИЙН 80 НАСНЫ ОЙД ЗОРИУЛСАН ЭРДЭМ ШИНЖИЛГЭЭНИЙ ЦАХИМ ХУРЛЫН УДИРДАМЖ

АШУҮИС-ийн Анагаах Ухааны Сургуулийн Хүүхдийн Анагаахын Тэнхимийн багш, АУ-ны доктор, профессор Дэмбээгийн Агваандорж агсаны мэндэлсэний 80 жилийн ой тохиож байгаатай холбогдуулан, АШУҮИС-ийн Хүүхдийн Анагаахын Тэнхим, Монголын Хүүхдийн Анагаахын Академи хамтран эрдэм шинжилгээний хурлыг цахим хэлбэрээр 2020 оны 12-р сарын 18-нд зохион байгуулна. Хуралд хэлэлцүүлсэн бүтээлүүдийг 1,2,3-р байр эзлүүлэн мөнгөн шагналаар шагнана.

Зорилго: Хүүхдийн Анагаахын салбарын орчин үеийн чиг хандлага, эмчилгээ, оношилгооны шинэ дэвшлийн талаар хийгдэж буй эрдэм шинжилгээ, судалгааны ажил, бүтээл, шинэ санаа, арга зүйг нийтэд таниулан түгээх, хамтын ажиллагааг дэмжихэд оршино.

Дэмжигч байгууллагууд:

• Анагаахын Шинжлэх Ухааны Үндэсний Их Сургууль
• Нийслэлийн Эрүүл Мэндийн Газар
• ЭМЯ-ы харьяа хүүхдийн мэргэжлийн салбар зөвлөл

Зохион байгуулагч:

• АШУҮИС-ийн Хүүхдийн Анагаахын Тэнхим
• Монголын Хүүхдийн Анагаахын Академи

Хамрах хүрээ, ангилал: Хүүхдийн эмч, мэргэжилтнүүд

Хэзээ: 2020 оны 12 сарын 18-ны өдөр

Хаана: АШУҮИС-ийн АУС-ийн Ботаникийн цогцолборын 6-н давхарт Blue Hall

Илтгэлийн шалгуур үзүүлэлт:

Хүүхдийн Анагаахын салбарт хийгдсэн шинэлэг санаа, эрдэм шинжилгээ, судалгааны ажил, ховор тохиолдол

Өгүүлэл бичих заавар

1. Өгүүлэлийг Arial шрифтээр, 11 үсгийн хэмжээтэй бичнэ.
2. Өгүүлэл нь нь дараах бүтэцтэй байна. Үүнд:
   1. Өгүүлэлийн нэр: Arial шрифтээр, том үсгээр, 12 хэмжээтэй, Bold
   2. Өгүүлэлийг А4 хэмжээтэй 3-5 нүүрэнд багтаан бичнэ
   3. Судалгааны багийнхны нэр, харьяалагдах албан байгуулга, е-майл хаягийг: Arial шрифтээр, 11 үсгийн хэмжээтэй, Italic
   4. Үндэслэл
   5. Зорилго, зорилт
   6. Материал, аргазүй
   7. Үрдүн
   8. Дүгнэлт
3. Түлхүүр үг: Судалгааны гарчигт ороогүй 3-5 үг

Өгүүлэл хүлээн авах

1. Өгүүлэлийг Монгол хэлээр бичиж, 12 сарын 8-ны дотор erdenetuya@mnums.edu.mn, kherlen@mnums.edu.mn хаягаар ирүүлнэ үү.
2. Өгүүлэл хэвлүүлэх хураамж 20.000 төгрөг
3. өгүүлэлийг 12 сарын 08-ний 17 цагаас хойш хүлээн авахгүй болно!
4. Урьд нь хэлэлцүүлсэн болон хэвлүүлсэн судалгааны ажлын үр дүнг дахин хэвлүүлэхгүй болно.
5. Үг үсэг, найруулгын алдааг редакцийн зөвлөл хариуцахгүй болохыг анхаарна уу!

Эрдэм шинжилгээний хуралд хүүхдийн эмнэлзүйн практикт тохиолдсон ховор тохиолдлын танилцуулгыг ирүүлж болно.

Ховор тохиолдолд тавигдах шаардлага

1. Ховор тохиолдынг Arial шрифтээр, 11 үсгийн хэмжээтэй бичнэ.
2. Ховор тохиолдол нь дараах бүтэцтэй байна. Үүнд:
   1. Өвчтөний тухай мэдээл
   2. Анамнез, бодит үзлэг
   3. Лаборатори болон дүрс оношлогооны шинжилгээ
   4. Ялган оношилшоо
   5. Эмчилгээ
   6. Хэлцэмж, дүгнэлт
   7. ном зүй
3. Хүснэгт, зураг нийлээд 10 хүртэл байх

Ховор тохиолдол хүлээн авах журам нь өгүүлэл хүлээн авахтай адил болно.

Хуралд ирүүлсэн ба хэлэлцүүлсэн эрдэм шинжилгээний бүтээлийг эмхэтгэсэн “Монголын Хүүхдийн Анагаах Ухаан” сэтгүүлийн тусгай дугаар хэвлэгдэнэ.

Жич: Өгүүлэл, ховор тохиолдол хүлээн авах зааврыг чанд мөрдөнө үү. Шаардлагад нийцээгүй илтгэлийг хүлээж авах боломжгүй болохыг анхаарна уу.

ХУРАЛ ЗОХИОН БАЙГУУЛАХ КОМИСС

2020.11.24

Холбоо барих утас: 99096860, 95108580