21 аймаг

Анхны суурь тавигдсан нь

1960-1961 онд Сэлэнгэ аймгийн Дархан сумын хүн эмнэлгийн салбар 10-20 ортой, 1 хүүхдийн эмчтэй ажиллаж байсан. 1961 оны 10-р сарын 17-нд Дархан сумын нутагт одоогийн Дархан хотын суурь тавигдаж хүн эмнэлгийн салбар үе шаттайгаар хөгжиж иржээ. 1963-1972 он хүртэл Дархан хотод 30-40 ортой хүүхдийн эмнэлэг, хүүхдийн хэсэг үүсгэн байгуулагдаж ерөнхий эмчээр нь П. Батхүү эмч ажиллаж байв. Тэр үед хүүхдийн эмч 4 байсан. (Батхүү, Оюунбилэг, Ширчин, Өнөр). 1968 онд Дархан хороонд, 1969 онд Найрамдал хороонд хүүхдийн хэсэг байгуулагдаж анхны хүүхдийн хэсгийн эмч нар ажиллаж эхэлсэн. 1969 онд хүүхдийн эмч-3 (Д. Дэмбэрэл, Ж. Долгор, Ш. Долгорсүрэн) шинээр төгсөж ирсэн. Д. Дэмбэрэл эмч хүүхдийн хэсгийн эмчээр, Долгор эмч найрамдал хорооны хэсгийн эмчээр, Долгорсүрэн эмч хүүхдийн эмнэлэгт эмчлэгч эмчээр тус тус ажиллаж байв. 1972 онд Дархан хотод ЗХУ-ын тусламжтай 240 ортой Нэгдсэн эмнэлэг ашиглалтанд орж 30 ортой хүүхдийн тасгийг татан буулгаж 50 ортой хүүхдийн тасаг байгуулан тасгийн эрхлэгчээр Д. Ширчин эмч томилогдож, эмчлэгч эмчээр Ч. Цэрэнжав, Д. Энхжаргал нар, ЗХУ-ын мэргэжилтэн Валентина зөвлөх эмчээр ажиллаж байсан.

Хүүхдийн Нэгдсэн эмнэлэг болон өргөжин тэлсэн нь

1977 оны 7-р сарын 1-нд 90 ортой одоогийн эмнэлгийн барилга шинээр ашиглалтанд орж хүүхдийн тасгийг бие даалган өргөжүүлж хүүхдийн нэгдсэн эмнэлэгийн үйл ажиллагаатай болсон. Шинээр байгуулагдсан хүүхдийн нэгдсэн эмнэлэг хүлээн авах-онош тодруулах тасаг, сэхээн амьдруулах тасаг, нярайн тасаг, хөхүүл насны хүүхдийн тасаг, захиргаа аж ахуй, гал тогоо, ариутгал, эмийн бус эмчилгээний тасаг, дотуур эмийн сангийн хэсэг, рентген кабинет зэрэг хэсгүүдтэй зохион байгуулагдаж байсан. Хүүхдийн нэгдсэн эмнэлгийн анхны ерөнхий эмчээр Х. Энхжаргал, эмнэлэг эрхэлсэн орлогч даргаар Ч. Цэрэнжав эмч тус тус ажиллаж байсан. 2020 оны байдлаар Дархан-Уул аймагт хүүхдийн эмч нийт 22 ажиллаж байгаагаас эрүүл мэндийн газарт 2 эмч (хүүхдийн  эрүүл мэндийн тусламж үйлчилгээ хариуцсан мэргэжилтэн Д. Цэцгээ, Эрүүл мэндийн газрын дарга Б.Батцэнгэл), хүүхдийн тасагт 7 эмч (В. Шаравжамц, Ч. Ишжамц, Ц. Уртнасан, Г. Баттөгс, Д. Бүрэнжаргал, О. Болор-Эрдэнэ, Э. Мандахбилэг), төрөх тасагт нярайн эмч 3 (С. Уранчимэг, Ж. Эрдэнэчимэг, Н. Дөлгөөн), өрх сумд 7 эмч (Д. Эрдэнэбулган, С. Нямсүрэн, Д. Энхтунгалаг, Б. Туяа, С. Туяа, Ж. Батчимэг, Т. Оюунбат), хувийн хэвшлийн хүүхдийн эмнэлэгт 5 эмч (Д. Цэвээндулам, С. Цэзэн, Н. Хоролмаа, Ч. Цэрэнжав, С. Уранчимэг), одоо суралцаж байгаа 1 эмч (Э. Орхонтуяа) тус тус  ажиллаж байна.

Хүүхдийн эмч нарын төрөлжсөн мэргэшлээр суралцсан байдал

Нярайн эмч 3, хүүхдийн зүрх судасны эмч 2, мэдрэлийн эмч 2, эрчимт эмчилгээний эмч 2, харшлын эмч 1, бөөрний эмч 1, хүүхдийн мэс засалын эмч 2 тур тус Дархан-уул аймгийн 0-16 хүртэлх насны 31,254 хүүхдэд хүүхдийн үндсэн ба  төрөлжсөн мэргэшлийн тусламж, үйлчилгээг үзүүлж байна.

Бидний ажлын амжилтаас

• Дархан–Уул аймагт 50 ортой Төрөх эмнэлгийн  барилгыг 2019 оны 6 сард ашиглалтанд оруулж  10 ортой эмгэг нярайн тасгийг шинэчлэн зохион байгуулж,  24 цагаар 3 эмч, 8 сувилагч нярайн тусламж, үйлчилгээг тасралтгүй үзүүлж байна. Нярайн  тоног төхөөрөмжийг шинэчлэх зохион байгуулан ажиллаа.
• 2017 оноос нярайн түнхний хэт авиан оношилгоог төрсөн нярай бүрт хийж, шаардлагатай нярай хүүхдийг зулайн эхогоор оношилгоо эмчилгээ хийж, дутуу нярайд сурфактант эмчилгээг 2018 оноос эхлэн хийж, нийт 13 нярай нярайн төрөлжсөн мэргэшлийн  тусламж үйлчилгээг үзүүлж байна.
• Хүүхдийн мэдрэлийн эмчийн үзлэгийг өдөр бүр, хүүхдийн зүрх судас, мэс засалын эмчийн үзлэгийг шаарлагатай хүүхдэд амбулатороор үзүүлэн зөвлөгөө өгч ажиллаж байна.
• 2018 оноос Нярайн дотоод шүүрлийн эмгэг илрүүлэх скрининг шинжилгээг хийж эхэлсэн бөгөөд 1000 нярай хамруулан өөрчлөлттэй 7 хүүхдийг давтан шинжилгээнд хамруулаад  байна.
• Хүүхдийн тасгийн эмч нар анхан шатны тусламж үйлчилгээг сайжруулах зорилгоор ӨСЭМТ-ийн эмч нартай хамтран  хүүхдийн эмчийн өдөрлөгийг жил бүр уламжлал болгон зохион байгуулж байна. Өдөрлөгөөр  ХӨЦМ, НЭҮНШТ, ЭАЯТ-ийн сургалтыг улирал бүр, 18, 36 сартай хүүхдийн үзлэг, 0-5 настай суурь өвчтэй, 0-16 хүртэлх насны диспансерын хяналтанд байдаг хүүхдийг ӨСЭМТ-ийн эмч нартай хамтран үзэж зөвлөгөө зөвлөмж өгч ажиллаж байна.
• 0-5 насны суурь өвчтэй, хөгжлийн бэрхшээлтэй зорилтот бүлгийн хүүхдийг чийрэгжүүлэн эрүүлжүүлэх зуны сувилалын үйл ажиллагааг АЗД, СЗД-ын дэмжлэгтэйгээр 2001 оноос жил бүр уламжлал болгон зохион байгуулдаг бөгөөд нийт 400-450 хүүхдийг хамруулан ажиллаж ирлээ.

Бидний бахархал

• БНМАУ-ын гавьяат эмч Ч. Цэрэнжав
• Хөдөлмөрийн гавьяаны улаан тугийн одонт их эмч Д. Цэвээндулам, Ч. Цэрэнжав
• Алтангадас одонт их эмч Ч. Цэрэнжав, С. Цэзэн, Д. Дэмбэрэл, Н. Хоролмаа, Д. Цэвээндулам
• Хөдөлмөрийн хүндэт медиальт эмч Ж. Долгор, Ч. Цэрэнжав, Ч. Ишжамц
• Эрүүлийг хамгаалахын тэргүүний ажилтан цол тэмдэгээр шагнагдсан эмч Ч. Цэрэнжав, С. Цэзэн, Д. Дэмбэрэл, Н. Хоролмаа, Д. Цэвээндулам, Д. Үзмээ, В. Шаравжамц, Д. Цэцгээ, Ц. Уртнасан, Ч. Ишжамц, Г. Баттөгс, Д. Бүрэнжаргал
• Клиникийн профессор Д. Цэвээндулам, Ч. Цэрэнжав, Н. Хоролмаа, Д. Үзмээ, Ч. Ишжамц, В. Шаравжамц, С. Уранчимэг, Д. Цэцгээ
• Тэргүүлэх зэрэгтэй Д. Цэвээндулам, Ч. Цэрэнжав, Н. Хоролмаа, Ч. Ишжамц, В. Шаравжамц
• Ахлах зэрэгтэй эмч С. Уранчимэг, Д. Цэцгээ, Г. Баттөгс
• “Алтан чагнуур-2015” МЭМБҮЭХ-ны шилдэг шагналтан В.Шаравжамц
• Монголын хүүхдийн анагаах ухааны академийн “Шилдэгийн шилдэг  эмч”  Д. Цэцгээ